Melrakkasetrið verður opnað gestum á hádegi, laugardaginn 12. júní næstkomandi. Jafnframt verður Rebbakaffi, notalegt lítið kaffihús, opnað en gert verður ráð fyrir að hægt verði að sitja með bollann sinn, inni eða úti, og skipuleggja ferðalagið eða bara njóta útsýnis og náttúrufegurðar Álftafjarðar.

Á Rebbakaffi verður sýning Helga Gunnarssonar frá Hafnarfirði en hann hefur safnað frímerkjum, póstkortum og fleiru, með merkjum og myndum af melrökkum, frá ýmsum heimshornum. Það er fengur fyrir okkur að fá að sýna þetta merka safn sem Helgi hefur sett saman á skemmtilegan hátt í máli og myndum.

Við hjá Melrakkasetrinu erum nú á fullu að undirbúa sýninguna handa ykkur. Nú hjálpumst við öll að til að sýningin geti orðið eins og best verður á kosið.
Við höfum fengið margar góðar ábendingar og hugmyndir frá allskonar fólki auk eigin hugmynda sem sumar hafa tekið nokkrum breytingum og þróast eins og gengur.

Til dæmis langar okkur að fá góða upplesara til að lesa inn fróðleik um refina og veiðisögurnar svo hægt sé að „hlusta á sýninguna" meðan gengið er um sýningarsalinn. Draumurinn er því að geta eignast spilara með heyrnartólum til að lána gestunum okkar.

...
Meira