Melrakkasetur - Fr�ttir / Heim

Sta�an � Eyrardal

Mon, 08 Mar 2010 22:58:00 +0000

Við fórum í heimsókn í Eyrardal í dag og hittum þar fyrir smiðina, þá Ragnar og Einar. Þeir, ásamt Arnari félaga sínum og Magnúsi yfirsmið, hafa unnið af kappi við að klæða veggi fyrstu hæðarinnar með upprunalegum panel í bland við nýrri efnivið. Húsið er óðum að taka á sig mynd og verður spennandi að innrétta kaffihúsið ásamt því að setja upp sýninguna.
Í vikunni komu sýningarhönnuðirnir Finnur Arnar og Auður Alfífa til að fara yfir sýningargögn og áætlanir um framsetningu efnis og hluta og hanna heildarútlit sýningarinnar.

Styrkur fr� VaxVest

Mon, 01 Mar 2010 09:42:00 +0000

Á dögunum var undirritaður samningur milli Melrakkasetursins og Vaxtarsamnings Vestfjarða. Styrkurinn er til klasaverkefnis sem kallað er „Villt dýr að féþúfu" og er samstarfsverkefni milli Melrakkaseturs, Náttúrustofu Vestfjarða, Rannsókna- og fræðaseturs HÍ á Vestfjörðum, Vesturferða og Borea Adventures.

Um er að ræða samstarf í vöruþróun á náttúrulífstengdri ferðaþjónustu í kringum villt dýralif á Vestfjörðum. Á Vestfjörðum eru óvenju fjölbreyttir möguleikar fyrir náttúrulífstengda ferðaþjónustu og mikill mannauður, þekking og reynsla sem mun nýtast vel í áframhaldandi uppbyggingu hennar. Refurinn hefur ekki verið tekjulind fyrir þjóðina í næstum hundrað ár heldur kostað sveitafélög milljónir á ári í langan tíma. Hugmyndin er að snúa þeirri stefnu við og gera Vestfirðingum kleift að hafa tekjur af tófunni á sjálfbæran hátt enda má kalla refinn einkennisdýr Vestfjarða.

Ferðaþjónustuaðilar á Vestfjörðum koma flestir að einhvers konar dýralífstengdum málum, s.s. vegna sjóstangveiði, fugla (Hornstrandir, Látrabjarg, Vigur), refa (Hornstrandir), selir sjást víða og hér er nokkuð um hvali. Ekkert annað landsvæði af sömu stærðargráðu hefur jafn auðveldan aðgang að eins mörgum áhugaverðum dýrahópum. Það er því mikilvægt fyrir alla hagsmunaaðila að vekja athygli á þeirri sérstöðu og nýta sér þá þekkingu sem hér er.

Samstarfsaðilar á Vestfjörðum og landsvísu, taka þátt í norðurslóðaverkefni um þróun náttúrulifsferðamennsku á norðurslóðum, The Wild North, en það er samnorrænt verkefni, styrkt af NORA, NATA o.fl. (sjá www.thewildnorth.org). Félagar TWN framkvæma grunnrannsóknir og haldin eru námskeið og vinnufundir (workshop), sem eru sérstaklega miðuð að þörfum ferðaþjónustufyrirtækja og annarra hagsmunaaðila náttúrulífstengdrar ferðaþjónustu. Þróað verður vottunarkerfi sem nýtist ferðaþjónum í markaðssetningu ferða sinna. Þátttaka í TWN er mikilvæg fyrir uppbyggingu náttúrulífsferðaþjónustu í fjórðunginum og gerir okkur hæfari til að þróa okkar vöru og þjóna viðskiptavinum okkar.
Miklar væntingar eru gerðar til náttúrulífsferðamennsku í dag (nægir að nefna ræðu ráðherra ferðamála á Ísafirði sl. haust, sjá http://bb.is/?PageID=26&NewsID=138438). Þátttakendur í verkefninu hafa trú á því að aukin verðmætasköpun sé fólgin í því að ná til þeirra fjölmörgu ferðamanna sem skipuleggja ferðir sínar gagngert til að sjá villt dýr og óspillta náttúru. Þetta er sá efniviður sem flestir hagsmunaaðilar á Vestfjörðum hafa upp á að bjóða til ferðamanna og telst helsta aðdráttarafl svæðisins. Sé rétt að málum staðið og ef fyrir liggur trygg vottun fyrir því að þjónustuaðilar hér stundi ábyrga og sjálfbæra ferðamennsku opnast aðgangur að þessum verðmæta hópi ferðamanna sem hefur lítið skilað sér hingað til þessa. Með því að stuðla að sjálfbærri þróun náttúrulífstengdrar ferðaþjónustu á Vestfjörðum má tryggja undirstöður greinarinnar, afkomu þeirra sem í henni vinna og varðveislu náttúruauðlinda til lengri tíma.

Styrkurinn mun koma sér mjög vel því nóg eru verkefnin, áætlað er að verkefnið taki 3 ár og er þegar byrjað að gera áætlanir fyrir næsta sumar.

Falleg mynd

Fri, 26 Feb 2010 16:52:00 +0000

Melrakkasetrinu barst á dögunum að gjöf ljósmynd af Eyrardalsbænum, sem mun hýsa sýninguna okkar og kaffihúsið frá og með næsta vori. Gjöfinni fylgdu réttindi til að selja eða nýta á hvern þann hátt sem gæti komið setrinu til góða.
Ljósmyndarinn heitir Þórður Kristinn Sigurðsson og við þökkum honum kærlega fyrir myndina sem okkur þykir býsna góð. Hægt er að skoða fleiri myndir Þórðar af glæsilegu umhverfi Melrakkasetursins í Súðavík á ljósmyndasíðu Kristalmyndar.

fleiri ljósmyndasíður er að finna á tenglasafninu okkar

Krufningar

Tue, 23 Feb 2010 11:04:00 +0000

Melrakkasetur Íslands og Náttúrustofa Vestfjarða eru í samstarfi við Háskóla Íslands um krufningar á veiddum refum á Vestfjörðum. Um er að ræða tilraunaverkefni þar sem gerðar eru markvissar rannsóknir á veiddum refum í fjórðunginum og upplýsinga aflað, m.a. um stofngerð. Þær upplýsingar má síðan nota til að stjórna veiðum á refastofninum á svæðinu á hagkvæmari hátt en hingað til.

Verkefnið gengur út á að safna þeim dýrum til krufninga sem veidd eru á svæðinu, en þá verða sveitafélögin að fara fram á heilt dýr í stað þess að greiða fyrir skott eingöngu. Einnig þurfa að fylgja upplýsingar um skotstað og dagsetningu veiða.
Vorið 2009 var verkefnið kynnt fyrir öllum sveitafélögum á Vestfjörðum og hefur Súðavíkurhreppur þegar hafist handa og þar söfnuðust hátt í fjörutíu dýr á sl. ári.

Þessi dýr voru krufin í nýrri krufningaraðstöðu hjá Náttúrustofu Vestfjarða í febrúar 2010 og munu viðkomandi veiðimenn og sveitarfélag fá senda skýrslu þar sem fram kemur m.a. aldur og frjósemi dýranna, ásamt fleiri dýrum sem veidd voru annars staðar af landinu. Dýrin voru krufin af Páli Hersteinssyni og Ester Rut Unnsteinsdóttur, en þeim til aðstoðar var starfsfólk NAVE í Bolungarvík.

Af 38 dýrum voru 34 mórauð, 3 hvít og eitt „bleikt" (nokkuð sjaldgæft litarafbrigði). Ellefu kvendýr og 27 karldýr voru veidd, þar af voru 2 pör (4 dýr) af greni. Flest dýrin, eða 32, voru skotin innan Súðavíkurhrepps, tvö komu frá Bolungarvík og tvö af Höfðaströnd. Eitt dýr fannst í vegkanti í Ísafirði þar sem ekið hafði verið yfir það.

Meltingarfæri dýranna voru tekin og sett í frysti en innihald þeirra verður skoðað seinna. Hausar dýranna eru soðnir og tennur dregnar úr til aldursgreininga. Mælingar á hreinsuðum kjálkum hafa lengi verið stundaðar hérlendis sem erlendis og gefa ýmsar vísitölur um líkamsbyggingu. Fitulag dýranna var mælt en það er vísbending um líkamsástand og aðgang að fæðu.

Við framhald verkefnisins er samstarf við veiðimenn afar mikilvægt til að vel takist til og sem mestar upplýsingar fáist um refastofninn á Vestfjörðum og hægt sé að byggja upp nákvæman gagnagrunn um vestfirska refastofninn.

Frekari upplýsingar um verkefnið er að fá hjá Þorleifi Eiríkssyni hjá NAVE í s. 456 7005 og Ester Rut Unnsteinsdóttur hjá Melrakkasetrinu í s. 862 8219

Lj�smyndasamkeppni Fer�af�lags �slands

Mon, 22 Feb 2010 11:26:00 +0000

Ferðafélag Íslands hefur valið fallega mynd af melrakka sem sigurvegara í ljósmyndakeppni félagsins. Myndina tók Ármann Guðjónsson í Þórsmörk á sl. sumri.
Við óskum Ármanni til hamingju með sigurinn enda glæsileg mynd af fallegu dýri frá skemmtilegu sjónarhorni.
Meiri upplýsingar er að finna á vef Ferðafélags Íslands www.fi.is

Melrakkinn flaggskip nor�ursins

Tue, 16 Feb 2010 17:11:00 +0000

Á alheimsfundi um loftslagsbreytingar sem haldinn var í Kaupmannahöfn haustið 2009 ákváðu alþjóða-náttúruverndarsamtökin (IUCN) að velja 10 tegundir sem fylgjast á sérstaklega með til að meta áhrif loftslagsbreytinga á vistkerfi heimskautasvæða. Samkvæmt listanum verður melrakkinn eitt af þessum mikilvægu tegundum sem þeir kalla flaggskip norðurheimskautanna. Flaggskipin gegna því hlutverki að endurspegla „heilsu" vistkerfa á heimskautasvæðum.

Breytingar á lífsháttum dýranna gafa til kynna mikilvægar breytingar í vistkerfinu en í þessu felst að til sé grunnþekking á ástandinu eins og það er í dag og að áfram verður fylgst með dýrunum og vistkerfi þeirra til að meta allar markverðar breytingar. Ennfremur kemur fram að melrakkinn er talinn meðal þeirra tegunda sem loftslagsbreytingar munu hafa einna mest áhrif á.

Í skýrslu IUCN kemur fram að helsta ógn melrakkans séu eyðing á kjörsvæðum þeirra, samkeppni við rauðrefi og breytingar á fæðuframboði. Melrakkar hafa verið á válista sem tegund í útrýmingarhættu á norðurlöndunum (utan Íslands) í marga áratugi og hefur miklum fjármunum verið varið í tilraunir til að fá stofnana til að vaxa aftur.

Hægt er að skoða skýrsluna í heild sinni á síðu IUCN

1% bloggar um Melrakkasetri�

Fri, 12 Feb 2010 17:39:00 +0000

á heimasíðu 1% for the planet er skemmtilegt blogg um Melrakkasetrið sem fyrsta non-profit fyrirtækið á Íslandi sem skráð er hjá þeim og þau tvö íslensku fyrirtæki sem eru á lista hjá þeim sem styrkaraðilar: Borea Adventures og Einarsson veiðihjólið. Þeim er tíðrætt um hvað sé gaman að koma vestur og sigla á vit ævintýranna og fara á kajak og hitta refina okkar. Einnig er umfjöllun um skammdegið og sólarkaffið í janúar, þegar allir baka pönnukökur til að fagna vetrarsólinni.
Bloggið skartar mynd eftir Tobias Mennle, frá vefalbúminu okkar.
Hægt er að skoða bloggið hér á síðu 1% for the planet.

Lj�smyndari Melrakkasetursins

Fri, 05 Feb 2010 11:39:00 +0000

Uri Golman, danskur ljósmyndari og sérstakur erindreki Canon, og Melrakkasetur Íslands hafa gert með sér samning um samstarf.
Uri verður opinber ljósmyndari setursins og vinnur verkefni sem snýr að því að ljósmynda og skrifa efni um lífshætti melrakka árið um kring. Setrið fær afnot af myndum Uris til framsetningar efnis á sýninguna og á öðrum vettvangi.

Uri hefur mikla reynslu af vinnu á heimskautasvæðum norðursins og hefur bæði skrifað bækur og greinar í fagtímarit ljósmyndara og útivistar. Uri er einnig meðlimur alþjóðlegra samtaka ljósmyndara sem hafa náttúruvernd að leiðarljósi (ILCP) og mun verða okkur innan handar í verkefnum okkar m.a. í þróun sjálfbærrar náttúrulífs-ferðamennsku (verkefni sem við erum þátttakendur í: The Wild North).

Refirnir á Hornströndum verða megin viðfangsefnið enda ein dýrmætasta auðlindin okkar og mikilvægt að nýta hana á ábyrgan hátt með sjálfbærni að leiðarljósi.
Það verður spennandi að vinna með Uri en verkefnið hefst með því að hann, ásamt félaga okkar, Tobias Mennle, munu fara á refaslóðir í mars næstkomandi, til að freista þess að mynda mökunaratferli melrakkans. Þeir munu svo fylgja eftir helstu viðburðum í lífi refanna; yrðlingauppeldi, fæðuöflun, feldskipti, undirbúning fyrir veturinn og hvernig þeir þreyja þorrann og góuna fram á næsta vor.

Fyrir okkur hjá Melrakkasetrinu er Uri sannkallaður hvalreki og má segja að báðir aðilar fái óskir sínar uppfylltar með samstarfinu. Uri segist alltaf hafa dreymt um að ná fleiri myndum af heimskautarefum til að geta sýnt lífshætti þeirra með myndrænum hætti. Hann gerir sér grein fyrir því að tegundin er afar fágæt á heimsvísu og að Friðland Hornstranda sé væntanlega einn sá staður á jarðríki sem auðveldast er að nálgast villta refi í náttúrulegu umhverfi til að ljósmynda þá og rannsaka. Ekki spillir hið magnaða landslag með hin stóru fuglabjörg í forgrunni.

Uri er sjálfstætt starfandi ljósmyndari og mun sjálfur fjármagna starf sitt hér en hann mun skrifa greinar í fagtímarit fyrir ljósmyndara og útivistarfólk, jafnvel einnig bók sem skrýdd verður ljósmyndum af refunum okkar á Hornströndum.

Hægt er að kynnast Uri betur með því að skoða heimasíðu hans: www.urigolman.com

Sj�lfbo�ali�ar a� st�rfum

Sat, 30 Jan 2010 20:50:00 +0000

Í dag komu fimm sjálfboðaliðar til að vinna í Eyrardal, þar sem Melrakkasetrið mun verða til húsa. Þetta voru þau Etienne, Alexander, Alan, Lindsay og Jennifer, öll nemendur í strandsvæðastjórnun hjá Háskólasetri Vestfjarða á Ísafirði.
Verkefni dagsins var að flokka og hreinsa gamla panelinn úr húsinu sem var byggt fyrir aldamótin 1900. Með því að hreinsa og flokka panelinn gera þau smiðunum okkar auðveldara fyrir í að endurnýta sem mest af upprunalegu byggingarefni hússins, sem gerir húsið enn sérstakara fyrir vikið ef vel tekst til.

Eftir fjögurra klukkustunda vinnu, sem gerir samtals 20 vinnustundur, var fólkinu boðið heim til Dagbjartar stjórnarmanns MÍ, sem bauð upp á ljúffenga fiskisúpu og brauð og kaffi og gómsæta súkkulaðiköku í eftirrétt.

Það er ómetanlegt fyrir okkur að fá slíka aðstoð í endurbyggingunni og við vonumst til að sjá fleiri sjálfboðaliða á komandi vikum, nóg er af verkefnum.

Sjá myndir á www.melrakki.is

N�mskei� hj� Fr��slumi�st��

Wed, 27 Jan 2010 10:25:00 +0000

Fræðslumiðstöð Vestfjarða býður upp á námskeið fyrir þá sem hafa áhuga á að nýta melrakkann í ferðaþjónustu eða bara skoða hann og mynda. Námskeiðið, sem verður haldið í apríl næstkomandi, tekur eina kvöldstund þ.e. þrjár kennslustundir.
Fjallað verður um melrakkann sem auðlind sem hægt er að virkja og nýta í sjálfbærri náttúrulífs ferðamennsku.
Tegundin, sérstaða hennar og einkenni, líffræði og útbreiðslusaga er kynnt. Rætt verður um hvar dýrin er helst að finna, vísbendingar um ferðir þeirra, hegðun og útlit, einkenni og „týpur".
Þá verður farið í hvernig er best að nálgast villta refi og ná sem bestum myndum af þeim og einnig hvað ber að varast til að tapa ekki góðu myndefni.
Að lokum verður farið yfir gildandi lög og reglur um villt dýr í náttúru Íslands.

Kennslustaður, skráning og nánari upplýsingar: Fræðslumiðstöðin á Ísafirði

www.melrakki.is