Á þessum fyrsta degi sem sást til sólar í Súðavík síðan í fyrra, fengum við heimsókn frá hópi nemenda við Strandsvæðastjórnun hjá Háskólasetri Vestfjarða. Þetta fólk kemur héðan og þaðan úr heiminum og hefur ólíka menntun og bakgrunn en öll eiga það sameiginlegt að hafa áhuga á því sem við erum að gera og þykir spennandi að fylgjast með uppbyggingu á þessu spennandi verkefni sem Melrakkasetrið er.
...
Meira

Norska sjónvarpið fylgdist með starfseminni í Sætrefjellet í 2 ár - þar eru starfsmenn NINA (Náttúrufræðistofnun Noregs) með uppeldisstöðvar fyrir tófur en tegundin hefur verið í útrýmingarhættu í Noregi og Svíþjóð í yfir 80 ár.
Á stöðinni eru 5 tófupör í stórum girðingum þar sem komið hefur verið fyrir grenstæðum sem hægt er að fylgjast með á skjá inni á rannsóknastöðinni og á internetinu.
Í þættinum Ut i naturen, sem sýndur var á NRK þann 20.10.2009 er sagt frá tilraunum vísindamanna til að fá dýrin til að fjölga sér og sleppa svo yrðlingunum út í náttúruna, með radíóhálsband svo hægt sé að fylgja þeim eftir.
Hægt er að sjá þáttinn á vef norska sjónvarpsins með því að heimsækja síðu NINA