Nú er um að gera að fara að prjóna, hekla, tálga, sauma út, skera út, leira, mála, smíða, hanna, teikna, búa eitthvað til ....

Melrakkasetrið bráðvantar vörur til að selja í vefverslun sem opnar í vor og á sýningunni í Eyrardal - það er nánast ekkert til af vörum með tilvísun í melrakka en okkur langar í allskonar hluti, til dæmis ullarvörur, textíl, keramik, skart, skinnavörur, trévörur, glervörur o.s.frv..

Endilega verið með og leggið höfuðið í bleyti - hver veit nema ykkar hugmynd slái í gegn !

nánari upplýsingar á síðunni um samkeppni

 

Aðalfundur Melrakkaseturs Íslands var haldinn í Álftaveri í Súðavík, laugardaginn 7. mars kl. 14.00 og mættu 12 manns úr hópi hluthafa.
Dagskrá fundarins var samkvæmt samþykktum félagsins en helstu dagkrárliðir voru skýrsla stjórnar, reikningar og stjórnarkjör. Þorleifur Ágústsson gaf ekki kost á sér til stjórnarsetu áfram en í hans stað var kjörinn Böðvar Þórisson, Bolungarvík og Elías Oddson, Ísafirði, til vara.
Við þökkum Þorleifi fyrir samstarfið fyrsta starfsárið en hann mun nú snúa sér að uppbyggingu fyrirtækisins Murr í Súðavík. 
Ársskýrsla stjórnar fyrir starfsárin 2007 og 2008 var lögð fram og samþykkt á fundinum ásamt reikningum félagsins.
Skýrslan er birt í heild sinni hér á síðunni hjá "Um Melrakkasetur". Undir liðnum "önnur mál" var rætt um stöðu uppbyggingar í Eyrardal og styrkjamöguleika félagsins næsta starfsár.