Höfum sett í framleiðslu fyrstu vörulínu Melrakkasetursins, þetta eru stuttermabolir með merkinu "Melrakki framundan" en þarna er um að ræða tilvísun í viðvörunarskilti sem eru víða í notkun og vara við villtum dýrum á akvegum.
Merkið er hannað af Melrakkasetrinu og verður einnig hægt að fá límmiða á bíla o.fl. með þessu merki.

Bolirnir koma í svörtu eingöngu, bæði í barna og fullorðinsstærðum, kven- og karlasniði - verða til sölu á "Aldrei fór ég suður" - hægt að panta í tölvupósti hér á síðunni - og svo koma þeir í vefverslun fljótlega.
 

Alltaf er verið að vinna í að betrumbæta síðuna okkar og það er hann Ágúst Atlason hjá Snerpli sem hefur veg og vanda að því.
Nú er hægt að skrá sig á póstlista og þannig fær maður alltaf nýjustu fréttir sendar í tölvupósti.
Einnig er það samkeppnin, verið að vinna á fullu í að hanna og framleiða handverk, bæði hér fyrir vestan og víðar, það vitum við fyrir víst.
Melrakkasetrið er komið á Facebook og það er víst þar sem hlutirnir gerast.
Nú er líka hægt að senda tölvupóst beint á stjórnarmenn og svo á setrið í gegnum vefform.
og svo er komið símanúmer, reyndar farsími því við erum enn húsnæðislaus, en það er: 862 8219

Við erum ennþá að fá nýjar myndir í albúmið - og langar í fleiri frá melrakkavinum - endilega sendið ef þið eigið, og söguna með..
Ekki bara myndir, heldur líka allskonar skemmtilegheit önnur sem hægt er að segja frá hér á síðunni og sýningunni þegar þar að kemur..