Í gær, 16. apríl komu nemendur úr náttúrufræði við Menntaskóla Ísafjarðar ásamt kennara sínum í heimsókn á Melrakkasetrið til að kynna sér starfsemina sem þar verður, refarannsóknir og fleira skemmtilegt.
Þrátt fyrir að húsnæðið sé ekki tilbúið til heimsókna, létu þau sér hvergi bregða og hlýddu á forstöðumanninn tala út í eitt um setrið og tófuna og jafnvel hagamýs sem undirrituð hefur líka stundað rannsóknir á suður á Kjalarnesi.
Við vonum að hópurinn hafi orðið einhvers vísari og hver veit nema þarna sé að finna framtíðar starfsfólk og sérfræðinga Melrakkasetursins?

Núna ættu flestir melrakkar að hafa parað sig og eru pörin ábyggilega í óða önn að merkja upp öll landamæri óðala.

Stök dýr vandra um í leit að félaga og stað sem ekki er þegar upptekinn. Gaggast er á í kvöld og morgunkyrrð fjalla og fjarða - vorteikn á lofti hér fyrir vestan